РАССЕЛЕНИЕ СЛАВЯН. 

Названия славянских племён выделены курсивом.

По мнозех же временех сели суть словени по Дунаеви, где есть ныне Угорська земля и Болгарська. И от тех словен разидошася по земле и произвашася имены своими, где седше на котором месте. Яко пришедше седоша на реце имянем Марава, и прозвашася морава, та друзии чеси нарекошася. А се ти же словени: хровате белии, и серебь, и хорутане. Словени же пришедше седоша на Висле и прозвашася ляхове, а от тех ляхов прозвашася поляне, ляхове друзии – лутичи, ини мазовшане, ини поморяне.

Тако же и ти словене пришедше и седоша по Днепру и нарекошася поляне, а друзии – древляне, зане седоша в лесех. А друзии седоша межю Припетью и Двиною и нарекошася дреговичи. Инии седоша на Двине и нарекошася полочане, речки ради имянем Полота, яже втечеть в Двину. Словени же седоша около озера Илмеря и сделаша град и нарекоша и Новгород. А друзии седоша по Десне, и по Семи, и по Суле, и нарекошася север. И тако разидеся словеньский язык, тем же и грамота прозвася словеньская.